NÝLEG VERKEFNI

Nýleg verkefni

To play, press and hold the enter key. To stop, release the enter key.

Verk í vinnslu <3

//Höfundur & Flytjandi

Lokaverkefni á námskeiðinu Samsetningaraðferðir: Sviðsetning II - Leiðbeinandi: Rúnar Guðbrandsson

Samvinnuverkefni með Önnu Kein, Brynjari Valþórssyni, Heklu Elísabetu og Sigurjóni Bjarna.

// Í verkinu takast sviðslistarnemar á við óttann við yfirvofandi framtíðina í framliðnum síðnútímanum, fræðahrokann sinn, egóin sín og þversagnirnar.

Greyin reyna í aumkunarverðri örvæntingu að setja á svið einhverja FOKKING SNILLD sem getur komið þeim á kortið. En kortið er útskitið og ónýtt hvorteðer.

Svo eru þau heldur ekki saman í liði, því það er meira kúl að vera á móti. . .

Óvissulögmál

// Höfundur

Lokaverkefni á námskeiðinu Samsetningaraðferðir: Sviðsetning I

Leiðbeinandi: Rebekka A. Ingimundardóttir

Samvinnuverkefni með Andreu Vilhjálmsdóttur og Sigurjóni Bjarna Sigurjónssyni.

Við unnum með undur skammtafræðinnar og reyndum að kryfja existensíalískar ráðgátur hennar með notkun á rými, ljósum og hljóði.

Við fundum ljóðrænuna í lögmálum skammtafræðinnar, „particle-wave duality", ketti Schrödingers og „double-split experiement."

Við unnum þó mest með óvissulögmál Heisenbergs, en það felur í sér að það sé ekki hægt að vita samtímis staðsetningu eindar og hvert hún er að fara - því meira sem þú veist um annað, því meiri óvissa ríkir um hitt.

Við tókum okkur ákveðið skáldaleyfi með lögmálið og vörpuðum því yfir á tilvist fólks - hvernig við erum týnd, en leitum í sífellu að einhverju; öðru fólki, okkur sjálfum, tilganginum.

Og hvernig við erum í rauninni bara líkindaþéttleikafjöll - eins og skammtafræðin útskýrir - samansafn örsmárra einda sem haldast saman af ástæðum sem við verðum aldrei nógu stór til að skilja.

To play, press and hold the enter key. To stop, release the enter key.

Changing Rooms

//Höfundur & Flytjandi

Lokaverkefni á námskeiðinu Óhefðbundin leikrými - Leiðbeinendur: Sveinbjörg Þórhallsdóttir og Vala Ómarsdóttir

Samvinnuverkefni með Andreu Vilhjálmsdóttur, Árnýju Rún Árnadóttur, Enis Turan og Sigurði Andrean Sigurgeirssyni

// Site specific gangverk í elstu sundlaug Reykjavíkur, þar sem börn hafa lært að synda frá árinu 1930. Í verkinu fá áhorfendur tækifæri til þess að staldra við í millibilsástandi - á milli bernsku og fullorðinsára, á milli nektar og klæða - og spyrja hvort þeir hafi kannski skilið eitthvað eftir eða gleymt að taka eitthvað með á leiðinni að sjálfum sér. Áhorfendum er síðan boðið í sundtíma

Búningsklefarnir að sundlauginni hlutgera millibilsástand og við vorum innblásinn af virkni þeirra sem slíkum. Auk þess sóttum við fanga í eigin minningar frá unglingsárunum, reynslusögur unglinga í Austurbæjarskóla, Carl Jung og fræðikenningar um performatív kyngervi og heterotópíur.

Sýningunni er ætlað að höfða meira til undirmeðvitundar og skynjunar heldur en rökhugsunar. Áhorfendur ganga á milli innsetninga sem gera þeim hugsanlega kleift að heimsækja barnið í sjálfum sér, fyrirgefa, vera fyrirgefið og kannski læra að synda upp á nýtt.

To play, press and hold the enter key. To stop, release the enter key.

TITUS ANDRONICUS [SIC] PARTY

//Höfundur & Flytjandi

Lokaverkefni á námskeiðinu Shakespeare afbyggður. Leiðbeinandi: Kolbrún Björt Sigfúsdóttir

Samvinnuverkefni með Andreu Elínu, Jóhanni Kristófer, Maríu Dögg, Dominique Gyðu og Max Gold

// Í verkinu er tekist á við ofbeldi; í listum; á leiksviðinu, hvíta tjaldinu; á netheimum; og í raunveruleikanum.

Hversvegna sækir fólk sýningar og viðburði þar sem ofbeldi er til sýnis?

Hversvegna smellum við á linkinn og horfum á myndbönd með ofbeldi?

Afhverju kjósum við að horfa?

Áhorfendum er boðið til veislu þar sem vikulokum er fagnað. TGIF!

Um leið og gestirnir koma inn finna þeir þyngslin og spennuna í andrúmsloftinu. Keisarinn Satúrnínus tekur á móti þeim; klæddur í drag. Nærvera hans er óþægileg en hann er gestgjafinn og ákveður að allir eiga að fara í „Hver er maðurinn".

Drottningin Tamora setur þá miða á ennið á öllum áhorfendum; á öllum miðunum stendur „Lucius."

Leikurinn er þó aldrei spilaður, því næst þarf að skála, Lavinia hin raddlausa þarf líka að flytja erindi. Og svo þarf Lavinia litla að afklæðast fyrir framan vefmyndavél. Fljótlega leysist veislan upp í Konga-dans, með óléttri pinada drottningu sem áhorfendur mega reyna að slá úr súkkulaðiköku og borða eins og þá lystir.

Gestgjafarnir samþykkja ofbeldið, en munu gestirnir gera það líka?

To play, press and hold the enter key. To stop, release the enter key.

To play, press and hold the enter key. To stop, release the enter key.

Fylgsni

//Leikstjóri

Örverk eftir Ölmu Mjöll Ólafsdóttur

Sýnt á Ungleik í október 2014

Nýja Sviðinu í Borgarleikhúsinu

Verkið fjallar um þrjá einstaklinga sem eru veikir á geði og lækninn sem sinnir þeim.

Læknirinn virðist þó vera sá sem er utangarðs því hann passar ekki inn í veruleika verksins.

Í sviðsetningunni var spilað með tengslin á milli raunveruleika og ímyndunar, heilbrigðis og geðveiki, sannleika og lygar. Áhorfendur samþykkja órana sem eiga sér stað á leiksviðinu og trúa á blekkinguna, en þegar út í raunveruleikann er komið þá eru órarnir ekki lengur ásættanlegir. . . Hvern þarf að lækna?